Forsíða/Fréttir

Starfsdagur mánudaginn 16. mars

Skráð þann 13. mars 2020 kl. 17:05

Eins og komið hefur fram í fjölmiðlum í dag 13. mars, hefur heilbrigðisráðherra ákveðið að virkja heimildir sóttvarnalaga sem felur m.a. í sér að skólahald verður takmarkað næstu fjórar vikur. Nánari útfærslur verða unnar samkvæmt tilmælum stjórnvalda.

Sveitarfélögin á höfuðborgarsvæðinu vinna nú að skipulagningu skólastarfs miðað við ofangreindar ákvarðanir. Þegar hefur verið ákveðið að mánudaginn 16. mars 2020 verði starfsdagur í grunnskólum, leikskólum, frístundaheimilum, félagsmiðstöðvum og skólahljómsveitum í Reykjavík til þess að stjórnendur og starfsmenn geti skipulagt starfið sem best á þessu tímabili sem takmörkunin nær til.