Um Korpukot

Leikskólinn Korpukot var opnaður 18. nóvember 2001.

Rekstraraðili leikskólans er LFA ehf.

Leikskólinn er aðili að Samtökum sjálfstæðra skóla.

Deildir skólans eru fjórar, þ.e. Sælukot, Sunnukot, Bjartakot og Fagrakot. Hver deild hefur fjögur herbergi til umráða, þ.e. þrjú minni og eina stóra heimastofu.

Þar fyrir utan er stór hreyfisalur og rúmgóð stofa á efri hæð hússins.

 

Einkunnarorð leikskólans er: Það er leikur að læra.

 

Markmið leikskólans er að skila til þjóðfélagsins námsfúsum og lífsglöðum einstaklingum, með jákvætt viðhorf til samfélagsins. Einstaklingum með sterka sjálfsmynd og heilbrigða siðferðiskennd. Einstaklingum sem bera virðingu fyrir sjálfum sér og samfélaginu.

 

Leikskólinn rúmar 100 börn samtímis og eru stöðugildi í samræmi við barngildi hvers tíma. Í eldhúsi leikskólans eru tveir starfsmenn og tveir starfsmenn sjá um ræstingar.